Ønskte utvekslingsstudentane velkomne

Veka både byrja og slutta med immatrikuleringar. Fredag var det nær 200 utvekslingsstudentar sin tur til å bli offisielt ønskt velkomne til NHH.

20.08.2010 - Hallvard Lyssand

Fredag ettermiddag var 198 utvekslingsstudentar frå 74 av høgskulen sine partnarinstitusjonar samla i personalkantina i Servicebygget for å bli immatrikulert ved NHH.

Dei tilreisande kjem frå i alt 29 nasjonar over heile verda.

Studentane vart ønskt velkomne av rektor Jan I. Haaland, prorektor Gunnar E. Christensen og representantar frå Internasjonalt kontor.

Norunn Økland frå Internasjonalt kontor gjer klar forfriskingar til dei immatrikuleringsklare.

Årets kull av utvekslingsstudentar er det største NHH har teke imot i eit einskildsemester, og det vart fort folksamt i personalkantina då storparten av dei var samla.

Rektor Jan I. Haaland ønskte studentane velkommen til NHH, og fortalte m.a. om institusjonen og om Bergen som studiestad.

Som seg hør og bør vart utvekslingsstudentane teke imot med eit handtrykk frå prorektor og Dean of International Affairs, Gunnar E. Christensen.

Klare tilløp til godt humør under immatrikuleringsseremonien.