Ny tilsett i Forskingsadministrativ avdeling

Ingrid Spjeldnæs er siste tilskot til Forskingsadministrativ avdeling. Ho skal arbeida med PhD-programmet og oppfølging av PhD-studentar.

30.05.2014 - Hallvard Lyssand

37-åringen frå Eidsvågneset skulle ha solid bakgrunn for å støtta NHH sine doktorgradsstudentar. Ho har sjølv doktorgrad i sosialpsykologi frå Universitet i Bergen. Avhandlinga tok for seg familieverdiar blant ungdom i Sør-Afrika.

Ho har også arbeidd ved Høgskulen i Bergen, som finansierte doktorgraden hennar.

- Kvifor NHH?

- Eg ville vera i forskingsverda, men vil heller vera med å leggja til rette for god forsking enn å forska sjølv, seier Spjeldnæs.