NHH får lokale i Oslo

NHH leiger undervisings- og kontorlokale av AFF i Drammensveien 44.

03.09.2014 - Hallvard Lyssand

AFF har leigd lokale i Drammensveien 44 (D44) i Oslo sidan 2008. No får dei selskap av NHH.

Høgskulen leiger undervisingslokale og møterom 50 dagar i året. I tillegg disponerer NHH kontorplassar i kontorfellesskap med AFF.

Blant dei som kjem til å nytta D44 flittig er NHH Executive, og sjølv om den offisielle opninga av lokala ikkje skjer før i oktober har Executive alt teke dei i bruk. I dag (onsdag 3. september) held professor Inger G. Stensaker førelesning for MASTRA-studentar.

Intensjonen er at også andre Oslo-arrangement i NHH-regi - til dømes NHH Alumni sine frokostmøte - skal kunna leggjast til D44.

Funkisfasade: AFF vart leigetakarar i Drammensveien 44 frå 1. oktober 2008. No framleiger dei delar av lokala til NHH.

NHH Executive har alt teke lokala i bruk. Onsdag føreleste professor Inger G. Stensaker for Mastra-studentar.