Feira Roger Bivand

Tysdag fylte professor Roger S. Bivand 60 år. Torsdag vart han feira med eit fagseminar.

07.04.2011 - Hallvard Lyssand

Instituttleiar på samfunn, Øystein Thøgersen, innleidde seminaret. Han påpeika at jubilanten - i tillegg til viktige internasjonale bidrag til forsking og utvikling av "open source"-programvare og tunge undervisningsoppgåver på PhD-nivå -involverer seg aktivt i diskusjonane på instituttet.

- Du bryr deg verkeleg, og det lærer ein som instituttleiar fort å setja pris på. Vi treng fleire med dit engasjement, sa Thøgersen.

Roger S. Bivand si undervisning og forsking omfattar m.a. økonomisk geografi, analyse av miljøproblem og anvendelse av geografiske informasjonssystem (GIS), og statistiske metodar brukt på koordinatfesta data.

Programmet på seminaret torsdag var sett saman ut frå nokre av desse interessene.

Professor Manfred M. Fischer frå Vienna University of Economics and Business heldt føredraget "Regions, technological interdependence and growth in Europe."

Førsteamanuensis Liv Osland, Høgskolen Stord Haugesund si førelesing bar tittlen "Spatial variation in job accessibility and gender: an intraregional analysis using hedonic house-price estimation."

Professor Stefan Szymanski frå Cass Business School avslutta det faglege programmet med innlegget "Where do English Premier League football players come from?"

Professor Roger S. Bivand vart feira med eit 60-årsdagsseminar i auditorium Karl Borch torsdag. Her med professor Stefan Szymanski frå Cass Business School, som var ein av gjesteførelesarane.

Instituttleiar Øystein Thøgersen takka Roger Bivand for at han engasjerer seg aktivt i det indre livet på Institutt for samfunnsøkonomi.

Professor Manfred M. Fischer frå Vienna University of Economics and Business var blant bidragsytarane under seminaret til ære for Roger S. Bivand.