Viser karrierevegen

Diskret dressar og drakter, masse messeveggar og enorme mengder gratis Twist. Det er definitivt Karrieredag.

02.10.2014 - Hallvard Lyssand

Karrieredagen i regi av Næringslivsutvalet i NHHS samlar ei perlerad av norske og internasjonale verksemder frå alle sektorar på NHH, slik at dei og studentane kan presentera seg for kvarandre.

I tillegg til bøttevis av karriererelatert info kan studentane sikra seg ei livstidsforsyning av ganske så gratis «hand outs» i form av alt frå kulepennar til snop.

Tendensar til trengsel på den internasjonale arenaen i nybygget.

NHHs internasjonale karrieresenter (ICC) var på plass med stand i nybygget.

Potensielle arbeidsgjevarar stiller i rikt monn. Nokre, som Facebook, er framleis relativt nye....

...andre, som P&G har lengre bedriftshistorie å visa til.

Aulaen og nesten alle korridorar frå Service- til nybygget er fylt med messeveggar og bedriftsrepresentantar.

Nytt av året: piler på golvet viser veg til rett stand.

Twist er den klart mest tilbydde sjokoladen under Karrieredagane. Paraplyens utsende valde å forsyna seg med ein banan-twist frå sjølvaste Riksrevisjonen.