Ernst Fehr held Sandmo-førelesinga

Professor Ernst Fehr frå University of Zürich held årets Sandmo-førelesing torsdag 16. januar. In English

14.01.2014 - Øyvind Torvund

Tittelen på føredraget er Institutions and Trust - Does Trust cause lasting Improvements in Economic Outcomes?

Fehr er ein av verdas leiande samfunnsforskarar, og har gjort banebrytande arbeid om moralen si rolle i samfunnsøkonomi. Han leiar eit av dei fremste sentra for mikroøkonomi og eksperimentell økonomi ved University of Zürich, og har fått ei rekkje utmerkingar for sitt arbeid.

Forskar på moralsk motivasjon

Eit hovudfokus i Fehr si forsking har vore på forholdet mellom sosiale preferansar, sosiale normar og strategiske interaksjonar. Her har han bidrege til viktige innsikt om korleis samarbeid blir opprettheldt i et samfunn og kva rolle formelle kontraktar har i økonomiske transaksjonar.

Fehr har også vore ein av grunnleggjarane av nevroøkonomisk forsking, som studerer kva slags hjerneprosessar som styrer økonomiske val.

NHH oppretta The Sandmo Lecture on Public Policy til ære for professor emeritus Agnar Sandmo i samband med Sandmo sin 70-årsdag i 2008. Sandmo er rekna blant Noregs fremste økonomar og har gjeve viktige forskingsbidrag på ei rekkje felt.

Kvart år i januar vert ein internasjonal toppøkonom invitert til NHH for å halda Sandmo-førelesinga.

Junior Visiting Fellowship

I tillegg til den årlege førelesinga vart det oppretta eit gjestestipend for særleg lovande forskarar under 40 år.

Mottakaren vert invitert til ein månads opphald ved Institutt for samfunnsøkonomi i samband med Sandmo-førelesinga.

Årets Sandmo Junior Visiting Fellowship in Public Policy er Katrine V. Løken frå Universitetet i Bergen