Oppklaring om ladeplassane på NHH

elbil (Illustrasjon)

Stadig fleire skaffar seg ei eller anna form for ladbar bil. Her følgjer nokre oppmodingar og oppklaringar om bruken av NHH sine ladeplassar.

29.08.2014 - Red.


Det er no sju ladeplassar for ladbare bilar ved Aulaen. Plassane har vore i drift ei stund og er stort sett i bruk heile arbeidsdagen.

Det er likevel få ladeplassar og det er naudsynt at dei einskilde brukarane ikkje bruker plassane lenger enn det som må til for å lada opp bilen. Slik kan fleire få lada i løpet av dagen.

Brukarane vert oppmoda om å vise omsyn og samarbeida om optimal bruk av plassane.

Det har også kome spørsmål om kva bilar som kan og har rett til å bruka ladeplassane.

Svaret er el-bilar og plug in-hybridar, slik det er ved alle andre offentlege ladeplassar.


Kontakt: paraplyen@nhh.no
Redaktør: Astri Kamsvåg
Ansvarleg redaktør: Kristin Risvand Mo

Utviklet av Renommé Interactive