Kakekickoff for ny avdeling

Måndag innførte NHH ny administrativ organisasjonsstruktur. Høgskulens største avdeling markerte overgangen med marsipankake.

20.11.2012 - Hallvard Lyssand

Frå måndag 19. november er sentraladministrasjonen ved NHH organisert med seks avdelingar, som igjen er delt i ei rekkje seksjonar.

Etter omorganiseringa er Avdeling for styring, økonomi og drift den største avdelinga ved NHH.

Måndag var avdelingsleiar Klas Rønning og majoriteten av hans 35 medarbeidarar i seksjonane Eigedomsforvalting (åtte personar), IT (16), Verksemdsstyring (tre) og Økonomi (åtte) samla i personalkantina for å markera at dei for no av er ei administrativ eining.

Arrangementet kom i stand etter initiativ frå ei gruppe sett saman av representantar frå dei fire seksjonane.

Rønning opna med å gratulera med dagen. Han konstaterte at dei organisatoriske endringane neppe vil medføra dei heilt store forskjellane i dei daglege gjeremåla til dei einskilde tilsette, men understreka samstundes at han har ein del planar og tankar om utviklinga av avdelinga.

Nokre av tankane presenterte han ved å lesa eit utdrag om stamme- og lagbygging frå boka Ona fyr av Ingebrigt Steen Jensen.

Blant planane som føreligg er nettopp fleire samlingar som den måndag, både på og utanfor NHH, for å sveisa avdelinga saman både som heilskap, og seksjonsvis.

Les meir om NHH sin nye administrative organisasjonsstruktur

Avdelingsleiar Klas Rønning og medarbeidarane markerte opninga av Avdeling for styring, økonomi og drift i personalkantina måndag.

Avdeling for styring, økonomi og drift er sett saman av seksjonane Økonomi, IT, Verksemdsstyring og Eigedomsforvalting, og skal totalt ha 36 tilsette. Her er 25 av dei samla.