Årets første styremøte

Torsdag 10. februar kjem NHH-styret saman til sitt første møte i jubileumsåret.

08.02.2011 - Hallvard Lyssand

På sakslista til styret står m.a. utkast til rapport og planar for 2010-2011, økonomirapport for 2010 og overskotsdisponering for NHH Executive.

Vidare skal det utnemnast ein delegasjon til etatsstyringsmøte med Kunnskapsdepartementet i byrjinga av april.

Styret skal også diskutera ei eventuell forkorting av NHH sitt engelske namn, då det har kome innspel om at Norwegian School of Economics and Business Administration er i lengste laget. Saka er førebels unnateke offentleg innsyn.

Møtelyden vil vidare få ei oppdatering av status kring oppfølging av ulike styresaker.

Blant orienteringssakene er ein gjennomgang av styring og organisering av NHH Executive og ei orientering om status i alumniarbeidet.