Intern utlysning: Stilling som mediekontakt - alumnikoordinator

Det er ledig 90 % mellombels stilling i 7 månader med høve til forlenging, eventuelt fast tilsetting. Stillinga vil få ansvar for mediekontakt og som alumnikoordinator. Arbeidsstad er for tida ved informasjonsavdelinga.

27.01.2004 - Afsoun Sabzian

Vi søker ein sjølvstendig, talefør og engasjert person som kan ta ansvar for og representere NHH i samband med:
• NRK-debattane (i samspel med NHHS)
• Mediekontakt for fagstaben i samband med store faglege arrangement
• Mediefagleg rådgjeving
• Koordinere NHH alumni i omlegginga frå prosjektfase til permanent tilbod
• Vidareutvikling av alumnitenester i samarbeid med alumni, faglege og administrative einingar og studentforeiningane

Vi ønskjer at vedkommande har:
• mediefagleg bakgrunn eller røynsle
• gode samarbeidsevner
• gode framstillingsevner
• fleksibel innstilling og er sjølvstendig og initiativrik

For stillinga er det naudsynt med høgare utdanning (minimum tilsvarande siv.øk./cand.mag.-nivå), helst med utdanning innan økonomiske fagområde. Erfaring med IT-løysingar som til dømes elektroniske nettverk, databasar og publiseringsverktøy vil bli vektlagt. Gode språklege kunnskapar i både målføre, engelsk og eventuelt andre framandspråk er eit føremon.

Stillinga vert løna etter statens regulativ som 1067 førstekonsulent, ltr. 35-40 etter kvalifikasjonar. Frå løna vil det bli trekt to prosent som innskot i Statens Pensjonskasse.

Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetting og rekruttere personar med innvandrarbakgrunn. Personar med innvandrarbakgrunn oppmodast til å søke stillinga.

For nærare informasjon om stillinga, kontakt informasjonssjef Asle Haukaas på tlf. 55 95 92 18 eller pr e-post: Asle.Haukaas@nhh.no.

Søknad vedlagt CV, attesterte kopiar av vitnemål og attestar må sendast til Personal- og organisasjonsavdelinga, NHH innan 10. februar 2004. Søkarane må leggje ved utfylt skjema for utvida søkjarliste. Søknaden merkast "stillingsnummer 006/2004".
Skjema for utvida søkjarliste er å finne på følgjande internettadresse: http://www.nhh.no/adm/personal/. Ein kan òg få tak i skjema ved å kontakte personal- og organisasjonsavdelinga på tlf. 55 95 96 39.