Kvalitetsmål på NHH-service

Til hausten skal studentane vita kva de kan forventa av høgskulen sin administrasjon, ut frå målsettingar kvar enkelt avdeling set for si eining. Informasjonen skal formidlast i form av serviceerklæringar.

07.06.2000 - Elin F. Styve

Kollegiet vedtok tidlegare i vår at serviceerklæringar skal foreligga til semesterstart. Dette var eigentleg meint til kun å gjelda dei avdelingane som gjev direkte studentservice, men administrasjonen utvidar det til også å gjelda dei einingane som indirekte er i kontakt med studentar, for eksempel personalavdeling og informasjonsavdeling.

Fram til eit diskusjonsmøte for alle administrative leiarar 19. juni skal avdelingane sjå på ulike sider av servicen ved sine einingar.

Dei administrative leiararne har no fått nokre haldepunkt for korleis serviceerklæringane kan utarbeidast, blant anna:
- Erklæringa skal innehalda ei målsetting om servicen som skal leverast
- Den skal delvis uttrykkast kvantitativt (ventetid, tilgjenge osv.)
- Målsettinga skal vera oppnåeleg med dagens ressurssituasjon
- Den skal opplevast som forpliktande av eininga

Fred Furnes, Torny E. Aarbakke og Kurt Petersen set i arbeidsgruppa som arbeider med startfasen av prosjektet.

Sjå også:
I "Studentenes nye veiviser" ved Universitetet i Bergen er det under enkelte hovudavsnitt lagt inn kva universitetet forventar av studenten, og klargjort sine eigne krav til service overfor studentane.
Serviceerklæringer i statsforvaltningen- regjeringens mål.