Mozart til matpakken

Dei som la lunsjen til studentkantina tysdag kunne skylja ned sjokomjølka akkompagnert av Mozart-stykke for klarinettkvintett.

16.09.2014 - Hallvard Lyssand

Fire strykarar og ein klarinettist frå Bergen Filharmoniske Orkester gav to korte konsertar i kantina i lunsjen tysdag.

Det heile var del av konsertserien Orkesteret på byen, som igjen er del av feiringa av BFO sitt 250-årsjubileum.

Konsertane ved NHH var blant over 100 konsertar som grupper av musikarane frå BFO skal halda ute blant folk i løpet av nokre få dagar.

Lunsjen smakar litt betre når ein høgst levande og profesjonell klarinettkvintett spelar Mozart i bakgrunnen.