Nye nettsider om nybygget

NHH sitt nybygg er i ferd med å reisa seg. No er det laga nye nettsider på nhh.no med oppdatert informasjon om byggjeprosessen og korleis bygget skal bli då det er ferdig.

01.03.2012 - Hallvard Lyssand

NHH sitt 13000 kvadratmeter store nybygg skal etter planen vera klar til innflytting 1. april 2013.

Parallelt med sjølve byggjeprosessen pågår det planlegging av alt frå møblering og tekniske løysingar til konkurranse om kunstnarleg utsmykking og utarbeiding av nytt parkeringsreglement.

For å informera om byggje- og flytteprosess, utforming av og innhald i bygget er det no oppretta nye nettsider om nybygget på nhh.no.

Sidene er oppdaterte med fakta som føreligg per 29. februar 2012, med atterhald om at fakta kan endra seg etter kvart som byggjeprosessen og planlegginga stadig skrid fram.

Nybyggsidene vil bli oppdaterte kontinuerleg etter kvart som nye opplysningar vert tilgjengelege.

Les meir på nhh.no/nybygg.