Årets siste styremøte

NHH (Arkivfoto)

Måndag kjem styret ved NHH saman til det siste møtet i 2012.

07.12.2012 - Hallvard Lyssand


Sakslista til desembermøtet inneheld nokre gjengangarar, mellom anna budsjett for 2013 og ei sak om arbeidet med strategi for perioden 2014-2017.

Vidare skal det oppnemnast ny valkomité og nytt valstyre. Styret skal også handsama saker om opptaksrammer for hausten 2013, om styringskalender for neste år, om tidsbruk og registrering av arbeidstid og ein statusrapport om omorganiseringa av sentraladministrasjonen ved NHH.

Blant orienteringssakene er ein presentasjon av samansetjinga av NHHs Advisory Board (sjå eiga sak på Paraplyen) og presentasjon av ein rapport etter ei ekstern evaluering av Institutt for strategi og leiing.


Kontakt: paraplyen@nhh.no
Redaktør: Astri Kamsvåg
Ansvarleg redaktør: Kristin Risvand Mo

Utviklet av Renommé Interactive