Doktorgradsstipendiatstilling i internasjonal makroøkonomi

Ved Norges Handelshøyskole er det ledig fireårig stipendiatstilling ved Institutt for samfunnsøkonomi.

12.05.2004 - Afsoun Sabzian

Stillinga blir finansiert gjennom forskingsprogrammet STRATNET Strategiske implikasjonar av nettverksorganisering og makroøkonomiske rammer for maritim logistikk. Vi føreset at stipendiaten vel sitt avhandlingstema innanfor dei fagområda som blir dekka av dette programmet, d.v.s. (1) Pengepolitikk med vekt på blant anna formuesprisar og deflatoriske impulsar og (2) Økonomisk vekst og geopolitiske risiki. Søknaden bør innehalde kort skisse av avhandlingstema.

Tilsetjing føreset opptak i doktorgradsprogrammet ved NHH.

Søkjarar må minst ha eksamen som cand.merc. eller cand.oecon. ved Norges Handelshøyskole eller tilsvarande høgare grads eksamen som er relevant for vedkommande sitt doktorgradsstudium, og for arbeidet med avhandlinga. Studentar som er i gang med høgare studium (gamal ordning), som avsluttar utdanninga i inneverande semester, og som tek sikte på å byrja på doktorgradsstudiet hausten 2004, kan og søkje. For kandidatar med anna utdanning enn frå NHH krevjast det minst Master of Science eller tilsvarande grad, der minimum 18 månader skal være økonomi og administrasjon eller samfunnsøkonomi. Kandidatar med utdanning frå utlandet må sørgje for at dokumenterte resultat frå GMAT/GRE vert tilsendt NHH.

Stillinga har stillingskode 1017 og vert løna i lstg. 37. Frå løna vert trekt 2 prosent til Statens Pensjonskasse. Søknaden skal skrivast på eige skjema. På skjemaet er det spesifisert kva vedlegg som skal leggjast ved søknaden. Det vert tilrådd å søkje rettleiing hjå faglærar ved høgskulen ved oppsetjing av plan for studiane.

Den statlige arbeidsstyrken skal i størst mogleg grad gjenspegle mangfaldet i befolkninga. Det er derfor et personalpolitisk mål å oppnå ein balansert kjønns- og alderssamansetning og rekruttere personar med innvandrarbakgrunn. Personar med innvandrarbakgrunn og kvinner oppfordrast til å søkje. Dersom søkjarane står tilnærma likt, vil kvinnelege søkjarar verte føretrekte.

Interesserte vil kunne få nærare opplysningar om stillinga ved å vende seg til førsteamanuensis Øystein Thøgersen, NHH, tlf. 55 95 95 46, e-post oystein.thogersen@nhh.no. Informasjon om doktorgradsstudiet og stipendiatstillingar finst på http://www.nhh.no. Stipendiaten må delta i pliktarbeid etter nærare avtale med instituttet. Pliktarbeidet utgjer 25 prosent av stillingsbrøk.

Søknadsskjema kan ein få ved å vende seg til personal- og organisasjonsavdelinga ved høgskulen, tlf. 55 95 94 49. Søknadsskjema er og tilgjengeleg på følgjande adresse: http://www.nhh.no/adm/personal/. Søknad sendast til Norges Handelshøyskole, personal- og organisasjonsavdelinga, Helleveien 30, 5045 Bergen. Søknaden merkes "stillingsnummer 026/2004". Søknadsfrist 12.06.04.