Stipendiatstilling i teleøkonomi
Som del av forskingsprogrammet innan teleøkonomi mellom NHH-miljøet og Telenor ASA er det ledig ein fireårig stipendiatstilling.
16.02.2004 - Stig Nøra
I forskinga nyttast ulike tilnærmingar:
- Brukaråtferd og adopsjonsperspektiv
- Økonomistyringsperspektivet
- Verdsettings- og finansieringsperspektivet
- Det organisatoriske perspektivet
- Det regulatoriske perspektivet
Vi ønskjer å prioritere kandidatar som arbeider innanfor økonomistyring, verdsetting og finansiering.
Stipendiaten vil få arbeidsplass ved Norges Handelshøyskole. Instituttilknyting og veiledingsforhold vil bli bestemt på grunnlag av stipendiatens faglege bakgrunn og planer for doktorgradsstudiet. Stipendiaten må delta i arbeidet ved det instituttet ein er knytt til, etter nærare avtale med instituttet. Pliktarbeidet utgjer 25 prosent av stillingsbrøk.
Tilsetjing føreset opptak i doktorgradsprogrammet ved NHH.
Søkjarar må minst ha eksamen som cand.merc. eller cand.oecon. ved Norges Handelshøyskole, eller tilsvarande høgare gradseksamen som er relevant for vedkommande sitt doktorgradsstudium og for arbeidet med avhandlinga. For kandidatar med anna utdanning enn frå NHH krevst det minst Master of Science eller tilsvarande grad, der minimum 18 månader skal være økonomi og administrasjon eller samfunnsøkonomi. Kandidatar med utdanning frå utlandet må sørgje for at dokumenterte resultat frå GMAT/GRE vert tilsendt NHH.
Stillinga har stillingskode 1017 og vert løna i lstg. 37. Frå løna vert trekt 2 prosent til Statens Pensjonskasse. Søknaden skal skrivast på eige skjema. På skjemaet er det spesifisert kva vedlegg som skal leggjast ved søknaden. Det vert tilrådd å søkje rettleiing hjå faglærar ved høgskulen ved oppsetjing av plan for studia. Kontakt kan gjerast over tlf. 55 95 90 00.
Den statlege arbeidsstyrken skal i størst mogleg grad gjenspegle mangfaldet i befolkninga. Det er difor eit personalpolitisk mål å oppnå ein balansert kjønns- og alderssamansetning og rekruttere personar med innvandrarbakgrunn. Kvinner og personar med innvandrarbakgrunn blir oppfordra til å søkje. Dersom søkjarane står tilnærma likt, vil kvinnelege søkjarar bli føretrekte.
Nærmare opplysningar om stillingen får ein ved å vende seg til førsteamanuensis Frode Sættem, Institutt for foretaksøkonomi, NHH, tlf. 55 95 9272, e-post: frode.sattem@nhh.no eller adm.direktør Per Heum, SNF, tlf. 55 95 97 40, e-post: per.heum@snf.no
Søknadsskjema kan ein få ved å vende seg til personal- og organisasjonsavdelinga ved høgskulen, tlf. 55 95 94 80. Søknadsskjema er og tilgjengeleg på følgjande adresse http://www.nhh.no/adm/personal
Søknad skal sendast til Norges Handelshøyskole, personal- og organisasjonsavdelinga, Helleveien 30, 5045 Bergen.
Søknad merkes "stillingsnummer 007/2004
Søknadsfrist 12.03.04
|
