Doktorgradsstipendiatstilling i empirisk næringsøkonomi

Ved Norges Handelshøyskole er det ledig fireårig stipendiatstilling ved Institutt for samfunnsøkonomi.

24.09.2003 - Knut André Karlstad

Stillinga blir finansiert av NFR-prosjektet Industry, Structure, Innovation and Industrial Policy in the New Economy ved SNF. Vi føreset at stipendiaten vel sitt avhandlingstema innanfor dei fagområda som blir dekka av dette programmet, og då meir spesifikt innan empirisk næringsøkonomi. Søknaden bør innehalde ei kort skisse av avhandlingstema.

Tilsetjing føreset opptak i doktorgradsprogrammet ved NHH.

Søkjarar må minst ha eksamen som cand.merc. eller cand.oecon. ved Norges Handelshøyskole eller tilsvarande høgare grads eksamen som er relevant for vedkommande sitt doktorgradsstudium, og for arbeidet med avhandlinga. Studentar som er i gang med høgare studium (gamal ordning), som avsluttar utdanninga i inneverande semester, og som tek sikte på å byrja på doktorgradsstudiet våren 2004, kan og søkje. For kandidatar med anna utdanning enn frå NHH krevjast det minst Master of Science eller tilsvarande grad, der minimum 18 månader skal være økonomi og administrasjon eller samfunnsøkonomi. Kandidatar med utdanning frå utlandet må sørgje for at dokumenterte resultat frå GRE vert tilsendt NHH.

Stillinga har stillingskode 1017 og vert løna i lstg. 37. Frå løna vert trekt 2 % til Statens Pensjonskasse. Søknaden skal skrivast på eige skjema. På skjemaet er det spesifisert kva vedlegg som skal leggjast ved søknaden. Det vert tilrådd å søkje rettleiing hjå faglærar ved høgskulen ved oppsetjing av plan for studiane.

Den statlige arbeidsstyrken skal i størst mogleg grad gjenspegle mangfaldet i befolkninga. Det er derfor et personalpolitisk mål å oppnå ein balansert kjønns- og alderssamansetning og rekruttere personar med innvandrarbakgrunn. Kvinner og personar med innvandrarbakgrunn oppfordrast til å søkje. Dersom søkjarane står tilnærma likt, vil kvinnelege søkjarar verte føretrekte.

Interesserte vil kunne få nærare opplysningar om stillinga ved å vende seg til førsteamanuensis Frode Steen, NHH, tlf. 55 95 92 59, e-post frode.steen@nhh.no. Informasjon om doktorgradsstudiet finst på http://www.nhh.no. Stipendiaten må delta i arbeidet ved Institutt for samfunnsøkonomi, etter nærare avtale med instituttet. Pliktarbeidet utgjer 25 % av stillingsbrøk.

Søknadsskjema kan ein få ved å vende seg til personal- og organisasjonsavdelinga ved høgskulen, tlf. 55 95 94 80. Søknadsskjema er og tilgjengeleg på følgjande adresse: http://www.nhh.no/adm/personal/. Søknad sendast til Norges Handelshøyskole, personal- og organisasjonsavdelinga, Helleveien 30, 5045 Bergen. Søknadsfrist 15. oktober 2003.