Ny opningsside til NHH-forsking

Opningssida "Fagmiljø" og engelsk versjon "Research" på NHH sine nettsider er no friska opp med direkte peikarar til blant anna diskusjonsnotat-sider og Forskdok.

13.09.2002 - Afsoun Sabzian

Det er prosjektmedarbeidar Karine Stephansen Uldal (biletet) som i samarbeid med informasjonsavdelinga har stått for utforminga av sida.
- Den gamle opningssida til fagmiljø på nettet vårt var prega av meir statisk informasjon. No fortel vi litt om forskinga her, og framhever det som er nytt ved hjelp av peikarar på sida, seier webmaster Elin F. Styve. Ho understrekar at sida stadig kan utviklast dersom det kjem fram gode synspunkt frå fagmiljøet om kva som kan liggja inne av peikarar, og oppfordrar til å melda i frå dersom fleire institutt opprettar til dømes eigne diskusjonsnotat-sider.
- Målet er å i framtida gjera sida endå meir dynamisk, til dømes med ein "ferskvaredisk" av nyleg publiserte artiklar. Her vil vi måtta forholda oss til publisering i Forskdok, og byggja opp eit grensesnitt mot den databasen. Det vil først kunna skje til neste år, på grunn av bemanningssituasjonen i informasjonsavdelinga og IT-avdelinga.